Lançamento de Invenção do Mar, de Jenaro Marinhas del Valle

AJenaro Marinhas del Valle Invenção do Mar quinta-feira 14 de maio, às 20:00 horas, terá lugar o lançamento da obra Invenção do Mar, de Jenaro Marinhas del Valle, publicada na Academia Galega da Língua Portuguesa.
Participam José António (Chíqui) Lozano, Pablo González Mariñas e António Gil Hernández.

Invenção do Mar é o título do 8º volume da Coleção Clássicos da Galiza, poemário de Jenaro Marinhas del Valle editado pelo académico António Gil com colaboração de Pablo González Marinhas, redator da apresentação. O volume, que inclui notas, epílogo, glossário e índice onomástico do editor, conta com o apoio de mais de 80 entidades culturais e cidadãos galegos que, desta forma, querem render homenagem a um dos escritores e inteletuais mais destacados da Galiza do século XX.
Indica Pablo González Mariñas na apresentação:
«Este poemário, mais do que outro nenhum do autor, deve ser entendido na complexa personalidade de Jenaro Marinhas del Valle que, como Antero de Quental dizia Oliveira Martins, “dava alma para uma família inteira”. E deve ser assemade valorado também no quadro da sua peripécia vital de nacionalista galego inconformista, perseguido e magoado, mas nunca rendido à opressão assimiladora, sedento de Pátria libertada.
E, principalmente, há de ler-se esta magna obra integrando-a no contexto da cultura e da língua galego-portuguesa, que ele viveu desde neno, como tronco comum duma linhagem e como lar de amor e liberdade. A minha Pátria -gostava dizer, parafraseando o Pessoa- é a língua galego-portuguesa, “a ilha extraviada que buscamos”».”

Presentación de Triloxía Vattene! / O legado extraterrestre, de Alberte Momán, o 22 de abril

A cuarta feira 22 de abril, ás 20:00 horas, presentamos Triloxía Vattene! / O legado extraterrestre, de Alberte Momán, publicado en Círculo Rojo.

EnAlberte Momán Triloxía palabras do autor: “Englobo, dentro dun proxecto común, dúas historias diferenciadas, por unha parte, a Triloxía Vattene!: tres historias cun fío común a partir da desaparición do personaxe coñecido entre os amantes da ciencia ficción, Alexander Hartdegen, por ser protagonista da Máquina do tempo. Tezo o quenzo cunha visión particular do que son as viaxes na procura dun mesmo, na busca de eliminar a un alter ego que se imposta como elemento externo pero fundamental na vida do protagonista.
Por outra banda, temos a historia revisitada de Penélope e Circe, que se encontran para comezar xuntas unha outra viaxe, que as levará a romper todos os clixés de hipermasculinidade dos super heroes clásicos.”

Lançamento de Mares de Queijo, de Ramiro Vidal Alvarinho, o 9 de abril

ARamiro Vidal Alvarinho Mares de Queijo quinta feira, 9 de abril, às 20:30 horas, apresenta-se Mares de Queijo, de Ramiro Vidal Alvarinho, publicado por A Porta Verde do Sétimo Andar.

“O livro Mares de Queijo conheceu umha primeira vida há umha década, quando foi editado em formato digital pola AGAL. Hoje, o poemário «ressuscita» materializado em papel da mao do carimbo editorial Q de Vian Cadernos. O livro está prologado por Elvira Riveiro e, igual que na primeira ediçom, contará com umha capa de Maria José López Federico, quem já desenhara a capa de Letras de Amor e Guerra, do mesmo autor. A obra tem numerosas referências à política, à religiom, ao sexo ou à música entre outros temas.”

Presentación de Dun lago escuro, de Marta Dacosta

AMarta Dacosta Dun lago escuro segunda feira, 23 de febreiro, ás 20:00 horas, preséntase Dun lago escuro, de Marta Dacosta, publicado en Xerais. No acto, xunto á autora, participa Yolanda Castaño.

A nadadora é a metáfora das mulleres e homes que atravesamos un lago escuro como o tempo que vivimos. A nadadora, de costas, fixa a súa atención na luz do ceo, prefire ignorar que por baixo da tona da auga hai un fondo escuro en que podrecen os cadáveres, en que se ocultan as verdades pestilentes. Este poemario é unha reflexión aceda sobre a implicación e a aceptación, sobre o descoñecemento e o desinterese. Os poemas do libro fálannos da mentira, do dano, da descomposición social. As imaxes, surrealistas, como soños xeroglíficos, anúnciannos a realidade. E a auga é auga sólida sobre a que transitamos en equilibrio, torrentes de auga para varrer o refugallo que nos inunda; augas quietas que nos afogan. Existe a verdade? Quen e como a constrúe? Ou vivimos na mentira dunha realidade aparente?
A obra obtivo o Premio Johán Carballeira 2013.”